YANGA USAJILI WA KUTISHA

FUNGA MWANZO HABARI MAKALA MAONI KATUNI HADITHI   Nyumbani Habari USAJILI YANGA NI VITA YA VIGOGO AFRIKA HABARILATEST NEWS USAJILI YANGA NI VITA YA VIGOGO AFRIKA Na Bingwa - November 17, 2016 5242 0 Facebook Twitter  EZEKIEL TENDWA NA ZAINAB IDDY NI wazi kwa sasa Yanga hawawezi kupambana na timu yoyote katika ukanda huu wa Afrika Mashariki na Kati kwenye suala la fedha, badala yake ‘levo’ zao zipo kwa timu zenye majina makubwa yanayotikisa bara hili la Afrika. Hilo limedhihirika wakati huu timu zinapopigana vikumbo kwenye zoezi la usajili ambapo Yanga wamekuwa wakigombea saini za wachezaji na timu kubwa ndani na nje ya bara hili, hiyo ikimaanisha kuwa mabingwa hao watetezi wa Ligi Kuu Tanzania Bara si watu wa mchezo mchezo kwa sasa. Yanga wanajua kwamba wanakabiliwa na michuano ya Klabu Bingwa Afrika mwakani na sasa wanaingia sokoni kwa nguvu ambapo wamejikuta wakigombea wachezaji na timu kubwa kama TP Mazembe ya Congo, Mamelod Sundown ya Afrika Kusini na baadhi ya timu za Uarabuni. Mbali na timu hizo zinazowika katika bara la Afrika, pia wanajangwani hao wapo kwenye vita kali na moja ya timu kubwa nchini Israel ambayo inamtaka mchezaji wa Zesco ya Zambia, Jese Were, ambaye Yanga nao wanampigia hesabu kali. Were ambaye ana rekodi ya kufunga hat-trick tatu katika mechi tatu mfululizo, anawaniwa na timu kadhaa na mbali na Were, pia Yanga wanapambana kutaka kumpa mshambuliaji wa zamani wa Azam, Kipre Tcheche anayecheza soka huko Uarabuni. Timu hizo za Yanga, TP Mazembe, Sundown pamoja na timu hiyo kutoka Israel zikiwamo nyingine kutoka Uarabuni, zinagombea saini ya straika huyo huko Zesco, huku kila ikijitahidi kufanya linalowezekana kumpata huku Zesco nayo ikipambana kumbakisha kutokana na uwezo wake. Mbali na Were, pia Yanga wapo kwenye vita kali kumnyakua kiungo mwenye uwezo mkubwa katikati ya uwanja, Misheck Chaila ambaye pia anaichezea Zesco. Pia wanajangwani hao wameingia katika vita nyingine ya kuwania saini ya mshambuliaji, Thomas Ulimwengu aliyemaliza mkataba wake na TP Mazembe ambapo Mtanzania huyo anawindwa na timu zenye majina makubwa ndani na nje ya Afrika. Wakati mabingwa hao watetezi wa ligi kuu wakihangaika kufanya usajili wa nguvu, nyuma yake wanayo kazi ya ziada kuwazuia mabeki wao wawili wa kati, Vincent Bossou na Vincent Andrew, ambao wanamendewa na timu nje ya Tanzania. Hata hivyo, Yanga si mara ya kwanza kupambana na timu zenye majina kwani walishinda vita ya kumnasa kocha mpya, George Lwandamina ambaye Free State Stars ya nchini Afrika Kusini ilikuwa ikimfukuzia, huku pia Zesco nao wakitaka kumuongeza mkataba. Wanajangwani hao wanataka kujiimarisha wakijua kwamba mwakani wanakabiliwa na mtihani mgumu klabu bingwa Afrika, ambapo wanataka kukamilisha zoezi hili mapema ili wamkabidhi kocha wao kila kitu, huku wakitaka kwenda kujichimbia moja ya nchi kubwa barani Ulaya kwa maandalizi. Wakizungumzia taarifa hizo za usajili wa Yanga, baadhi ya wachambuzi wa soka wamesema kinachotakiwa ni kumwachia kocha majukumu yote, kwani yeye ndiye anayejua nani atamfaa na nani hatamfaa. Kiungo za zamani wa klabu hiyo, Ally Mayai, alisema Wanajangwani hao wanatakiwa kujipanga mapema kutokana na ushiriki wao huo wa michuano ya kimataifa na kubwa wanalotakiwa kulifanya ni kumpa kocha ushirikiano wa kutosha, kauli ambayo inashabihiana na ya Kenny Mwaisabula. Facebook Twitter  Makala ya awali MESSI AZUA TAHARUKI CATALUNYA, AGOMEA MKATABA MPYA Makala ijayo MO amtia kitanzi Tshabalala  Bingwa MAKALA KUHUSIANAZAIDI KUTOKA KWA MWANDISHI  ‘Dab’ ya Pogba yatumika kufundisha wanafunzi Ufaransa  Msuva aanza kujifua kivyake  MO abebeshwa jukumu zito Msimbazi HAKUNA MAONI ACHA JIBU     UCHAMBUZI Chelsea wampata mrithi wa Fabregas Bingwa - November 18, 2016 Mashabiki Spurs wamlilia Isco Bingwa - November 18, 2016 West Ham kumtimua Arbeloa Bingwa - November 18, 2016 Mourinho anatamka staa wa Napoli Bingwa - November 18, 2016 Rummenigge akiri Bundesliga imezidiwa kifedha Bingwa - November 18, 2016  TUFUATILIE KUPITIA   HABARI ZAIDI  Chelsea wampata mrithi wa Fabregas November 18, 2016  Mashabiki Spurs wamlilia Isco November 18, 2016  West Ham kumtimua Arbeloa November 18, 2016 KITENGO MAARUFU Latest News1983 Habari1355 Sport Extra558 Burudani367 Makala250 Dondoo222 michezo kimataifa150 © Copyright New Habari (2006) Ltd Designed by SMARTCODES